"20+1” loyihasi orqali mashhurlarning sizga noma’lum fe’l-atvori, qiziqishlari va qirralarini ochishda davom etamiz. Loyihaning navbatdagi mehmoni O‘zbekistonda xizmat ko‘rsatgan artist Toxir Sodiqov.

1. Sizni qanday atashlarini ma’qul ko‘rasiz?

 – Tohir Bahromjonovich!

 2. Sevimli asar yoki filmingiz qahramoni?

 – "Ivan Vasilevich o‘z kasbini o‘zgartiradi” filmidagi Miloslavskiy (o‘g‘ri).

 3. Qaysi mavzuda suhbatlashish siz uchun qiziq emas?

 – Siyosat mavzusida.

 4. Ko‘nglingizga qattiq tekkan tanqid...   

 – Meni "giyohvand” deb aytishgani yoqmagan.

  5. Inson qadami yetmagan orolga to‘rtta eng muhim buyumni olib ketishga ruxsat berilsa...

 – Qozon, pichoq, bolta, tuz olvolardim.

 6. Sizningcha e’tiborga molik fazilatingiz?

 – Ishchanlik. Mehnat bo‘lsa, unum ham bo‘ladi.

 7. Eng asosiy kamchiligingiz?

 – Odamlarning aybini yuziga aytaman. Ichimda saqlab turolmayman.

 8. Nimadan ko‘proq charchaysiz?

 – Sevish va sevilishdan (kulib).

 9. Sizni tanqid qilishsa...

 – Menga bu yoqmaydi. Qanday tanqidligiga qarab munosabat bildirishim mumkin.

 10. Eng ko‘p takrorlaydigan so‘z yo gapingiz?

 – Allo.

 11. So‘nggi bor behudaga pul sarflagan vaqtingiz?

 – 2011 yil, Dubayda klip suratga olganimda xarajatim ko‘payib ketgandi.

 12. Pulni yaxshi ko‘rasizmi?

 – Judayam.

 13. Sevimli mashg‘ulotingiz?

 – Yonimdagilarga mehr ko‘rsatish.

 14. Kishilardagi qaysi kamchilikni kechirsa bo‘ladi?

 – Hammasini kechirish mumkin.

 15. Oxirgi o‘qigan asaringiz...

 – Badiiy asarlarni deyarli o‘qimayman. Oxirgi o‘qiganim ilmiy kitob edi.

 16. Idish-tovoq yuvganmisiz?

 – Doimo yuvaman, faqat ishxonada, uyda emas (kulib).

 17. Qanday qo‘shimcha qobiliyatga ega bo‘lishni istardingiz?

 – Suv tagida bir soat tura olsam edi...

 18. To‘liq baxtga ega bo‘lish uchun sizga nima yetishmaydi?

 – Bir dunyo pul!

 19. Hayotiy shioringiz?

 – "Faqat olg‘a yurish”.

 20. Siz zabt etgan eng yuqori cho‘qqi?

 – O‘zbekistonda xizmat ko‘rsatgan artist unvoni.

 20+1. Tohir Sodiqov qachon quyushqondan chiqadi?

 – Jahlimni chiqarishganda.

 Ma’lumot:

 ·         1973 yil 1 iyul kuni Toshkent shahrida tug‘ilgan.

 ·         Oilada 4 farzandning kenjasi.

 ·         San’atga qadam qo‘yganiga 25 yil bo‘lgan.

 ·         Ilk qo‘shig‘ining nomi "Esingdami sening, qish kunlari”.

 ·         Qo‘shiqlari soni 300 dan ziyod.

 ·         San’at olamiga kirishdan oldin sportning akrobatika, boks, gimnastika turlari bilan shug‘ullangan.