Ijodidagi har bir tarona xit darajasiga ko‘tariladigan estradamizning eng yorqin xonandalaridan biri Sardor Rahimxonning ''Jamilaxonim yomonlar'' taronasi barcha muxlislar qalbidan joy oldi.
Ahad Qayum so‘zi va Uchqun Sharipov musiqasi asosida yaratilgan mazkur qo‘shiq uchun yaratilayotgan videoklip haqida avval ham xabar berganmiz, qolaversa, internetdagi instagram ijtimoiy tarmog‘i orqali turli xonandalar tomonidan joylashtirilgan ajoyib suratlar bu klipga bo‘lgan qiziqishni orttirdi.
Mazkur videoklip suratga olishga eng mahoratli va professional klipmeyker Rustam Murodov rejissyorlik qilgan.
Estradamizning eng taniqli ijodkorlari Jahongir Foziljonov, Javlon Shodmonov, Manzura, Doston Ubaydullaev, Umid Iskandarov va boshqalar ham klipda ishtrok etishgan bo‘lib, shov-shuvlarga sabab bo‘lgan klip muxlislar qalbini zabt etishi kutilmoqda.
Noan’anaviy tarzda professional ijodiy guruh tomonidan tasvirga olingan ''Jamilaxonim yomonlar'' taronasiga yaratilgan videomahsulot tayyor holga keltirilib, bugun e’tiboringizga havola etilmoqda. Marhamat tomosha qiling va bahra oling. VIDEO KLIPNI KO'CHIRISH
Sardor Raximxon Shov-shuvli klipni taqdim etdi 
