Rayhon Yigitali Mamajonov ishtirokidagi videoga izoh qoldirdi
Aktyor Yigitali Mamajonov 2 oktabr kuni Instagram’dagi sahifasida e’lon qilgan videorolikka, aktyorning ko‘plab muxlislari qatorida, uning sobiq turmush o‘rtog‘i, xonanda Rayhon ham munosabat bildirdi.
Yigitali Mamajonov Instagram’da qoldirgan izohga ko‘ra, videolavha 2015 yil 7 oktabr kuni, rejissyor Andrey Arutyunov rahbarligida suratga olingan. Xivadagi tarixiy obidalar ichida olingan rolikda aktyor murakkab jangari va parkur harakatlarini, tan olish kerak, mahorat bilan amalga oshirganini ko‘rish mumkin.
Mazkur videolavhaga Yigitali Mamajonovning sobiq turmush o‘rtog‘i, xonanda Rayhon G‘aniyeva: «Juda zo‘r. Barakalla, Yigitali», — deb munosabat bildirgan. Bunga javoban Yigitali: «Rayhon, rahmat!», — deb javob qaytargan.
Rayhon G‘aniyevaning-da olqishiga sazovor bo‘lgan ushbu videolavha qachon, qaerda, nima uchun olinganini bilish maqsadida Daryo.uz nashri aktyor bilan bog‘landi.
«Bu qisqa metrajli film. Unda boshqa bir aktyorning o‘rniga dublyorlik qilganman. Ushbu film ‘Oyqiz ertagi’ tarixiy ertak-filmining suratga olish ishlari oxirida suratga olingan edi», — dedi Yigitali Mamajonov.
Efir Sirlari - Piano Version
Rayhon Yigitali Mamajonov ishtirokidagi videoga izoh qoldirdi 
