O‘zbekistonda xizmat ko‘rsatgan artist Rayhon hozirgi kunda o‘z tinglovchilarini topib ulgurgan "Hamma jam" qo‘shig‘i uchun videoklip suratga oldirdi. Klip jarayoni juda ham qiziqarli o‘tdi. Asosan betakror raqslarga boy bo‘lgan bu ijod mahsuli, tomoshabinlarga  a’lo kayfiyat ulashishi tayin. Videoklipni suratga olishda xonandaga Rustam Murodov, Elya Mulyukova va uning fan klubi yaqindan yordam berishdi va qo‘llab-quvvatlashdi. Yaqin kunlarda premera qilinishi rejalashtirilgan "Hamma jam" videoklipidan so‘ng o‘ylaymizki, qo‘shiq yanada xit bo‘ladi.