Poroshenko: “Imkoni bo‘lsa, Rossiya Ukrainani tarkibiga qo‘shib oladi ham”
Jahon hamjamiyati sovuq urush yakunlaridan beri Rossiya bilan do‘stona aloqalarni o‘rnata olmayapti. Kecha, 18 fevral kuni o‘z ishini boshlagan Myunxen konferensiyasida nutq irod etgan Germaniya kansleri Angela Merkelning so‘zlari bunga yaqqol ishora qilmoqda.
“Ayni paytda, biz aniq tashkil etilgan xalqaro munosabatlarga ega emasmiz, Rossiya bilan aloqalar barqaror emas”, deb so‘zladi u.
Xavfsizlik masalalarini muhokama etishga bag‘ishlangan Myunxen konferensiyasida ishtirok etayotgan Ukraina prezidenti Pyotr Poroshenko ham Rossiyaning xalqaro maydondagi harakatlariga tanqidiy baho berdi.
“Putin Ukrainani ich-ichidan yoqtirmaydi. Yevropa siyosiy hayotida unga o‘rin yo‘q deb, biladi. Imkoni bo‘lsa, Ukrainani Rossiya tarkibiga qo‘shib oladi ham”, deydi sobiq tadbirkor Poroshenko.
Uning so‘zlariga ko‘ra, Rossiya faqat Ukrainani “eb qo‘yish” bilan cheklanmaydi.
Eslatib o‘tamiz, Myunxen konferensiyasida ishtirok etish uchun AQSh vitse-prezidenti Maykl Pens ham yetib kelgan. U o‘zining bir qator ittifoqchi davlatlar rahbarlari bilan tor doirada suhbat qurishi rejalashtirilgan.
Poroshenko: “Imkoni bo‘lsa, Rossiya Ukrainani tarkibiga qo‘shib oladi ham” 
