“O‘zgidromet” markazining xabar qilishicha, joriy yilning 3-5-noyabr kunlari O‘zbekiston hududiga Gʻarbiy Qozog‘iston orqali Ural rayonlari (Yekaterinburg) ustida shakllangan sovuq va nam havo oqimi kirib keladi.

4-noyabrda kuchli shamol esadi
3-noyabrda Qoraqalpog‘iston va Xorazm viloyatida ayrim joylarga yomg‘ir yog‘adi. 4-noyabrda respublika bo‘yicha yomg‘ir, ayrim joylarda kuchli yomg‘ir yog‘adi. Qoraqalpog‘iston va Xorazm viloyatida yog‘ingarchilik kuzatilmaydi.
Shamolning tezligi sekundiga 18-23 metrdan 25-28 metrgacha yetishi kutilmoqda.

4-5-noyabrda havo harorati 0-5 darajaga tushib ketadi
4-5-noyabrda esa mamlakatda havo harorati kechasi 0-5 daraja iliqqacha tushib ketadi, ayrim joylarda 1-2 daraja sovuq bilan ayoz kuzatilishi mumkin, kunduzi havo harorati 8-13 darajagacha iliq, mamlakat shimolida havo kechasi 3 daraja sovuqdan 2 daraja iliqqacha, kunduzi 3-8 darajagacha iliydi.