Rossiyalik xonanda Nyusha Toshkentda bo‘lib o‘tadigan konsertiga katta tayyorgalik ko‘rmoqda. Bu haqda xonanda shov-shuv.uz saytiga bergan intervyusida aytib o‘tdi.

Nyushaning ta’kidlashicha, u o‘zbek muxlislari uchun mutlaqo yangi, hali hech kim eshitmagan qo‘shiqlar ijro etadi. Bundan tashqari, u konsertga 20ga yaqin ijodiy guruhi bilan birga keladi.

Tadbirni tashkil etayotgan Art modern music kompaniyasining rahbari Feruza Murodovaning so‘zlariga ko‘ra, an’ana bo‘yicha konsert dasturi 1,5 soatga mo‘ljallangan edi. Ammo muxlislarning talablariga binoan konsert vaqti ikki soatgacha uzaytirildi.

Eslatib o‘tamiz, Nyushaning konserti 3-fevral kuni  poytaxtimizdagi "Istiqlol” san’at saroyida bo‘lib o‘tadi. Chiptalar 50 ming so‘mdan 400 ming so‘mgacha bo‘lgan narxlarda saroy kassalarida sotilmoqda.