Yangi telekanal ochilishi hammadan ko‘ra ko‘proq san’at ahlini xursand qildi. Axir, ularning ko‘pi yangi kliplarini “Navo” musiqiy kanalining badiiy kengashidan o‘tkaza olmay joni halak edi. Kliplar uchun majburiyatlar “qattiq”ligi ko‘pchilik xonandalarning hafsalisini pir qilayotgandi. Endi esa ularning “MY5”dan umidi katta.
Madaniyat va Sport ishlari vazirligi, Yoshlar Madaniyat va San’at Markazi ,“O‘zbeknavo” estrada birlashmasi va boshqa qator tashkilotlar hamkorligida tashkil etilgan yangi telekanal ko‘ngilochar, madaniy-musiqiy ko‘rsatuvlarni namoyish etadi. Jurnalistlar yangi g‘oyalar ustida javlon urib, ter to‘kmoqda.
“MY5” telekanali ham o‘z badiiy kengashini tuzishga ulgurdi. Kliplarni “guruchni kurmakdan tozalagandek” saralash vazifasi “O‘zbeknavo” mas’ullari zimmasiga yuklatildi. Ayni paytda turfa kliplar badiiy kengashga taqdim etilmoqda. Telekanal efiri test rejimidan o‘tgunga qadar, taxminan bir oy davomida kliplar bepul tarzda “aylantiriladi”. Unga qadar efirga chiqish shartlari va narx-navo listi ishlab chiqilishi mumkin.
“MY5” tez orada shuhrat qozonishiga shubha yo‘q. Axir, tajribali telexodimlar guruhi, ahil ijodiy jamoa anchadan beri izlanib kelmoqda.
Kanal nomidagi “5” raqami “a’lo” ma’nosini ifoda etishini inobatga olsak, ommani zeriktirmaydigan, “a’lo” ko‘rsatuvlar namoyish etiladi degan umiddamiz.
MY5 butun UZB bo'yichami ili faqat Toshkent uchunmi? javob yozvoring Admin maLol kemasa
Hozircha bu telekanal sinov rejimida. Agar sizda raqamli tv bolsa unda ko'rsatadi. Raqamli IPTV tarmog'ini siz Uztelecom proveyderlaridan ulashingiz mumkin. agar sizda oddiy antenna bo'lsa unda bu konal korsatmaydi.
MY5 - ochilishidanoq a’lo kayfiyat ulashgan telekanal! 
