Yakkahon konsert dasturiga qizg‘in tayyorgarlik ko‘rayotganiga qaramay, Munisa Rizayeva yangi tarona va videokliplar ustida ish olib bormoqda. Ayni damda muxlislarning sevimli taronasiga aylanib ulgurgan sho‘x va raqsbop yo‘nalishda kuylangan “Sakramento” taronasiga videoklip suratga oldirgani haqida ma’lum qilgan edik. Sarvar Isaev rejissyorligi va Izzat Lutfullaev operatorligida tasvirga olingan klipning syujeti aynan “Sakramento” o‘quv markazida bo‘lib o‘tadi. Videoasarda Munisa Rizayeva bilan birga, Muyassar Berdiqulova, Botir Imomxo‘jaev, Eldor Qayumov, Feruza Normatova, Muqaddas Sa’dullayeva, Sevara Soliyev, Ma’mur Sultonov, Asqar Hikmatov, Akbarxo‘ja Rasulov, Anjelika Esimbetova, Sherzod Bin, Zuhra Soliyev va boshqalar ishtirok etishgan. Kishiga yuqori kayfiyat bag‘ishlaydigan bu taronaning videoklipi saytimiz orqali tomosha qiling.
Munisa Rizayevadan videoklip “Sakramento” 
