Ayni damda oktabr oyida o‘tkazilishi rejalashtirilgan yakkaxon konsert dasturiga qizg‘in tayyorgarlik olib borayotgan xonanda Munisa Rizayeva bir qator yangiliklar ustida ish olib bormoqda. Yangi tarona va videokliplar yaratish bilan birga jonli ijro ustida alohida tayyorgarlik ko‘rmoqda.
Munisa Rizayevaning matbuot kotibi Ibrohim Ahmedovning so‘zlariga qaraganda kutilayotgan konsert dasturi o‘zbek shou-biznesi olamida shu kunga qadar bo‘lib o‘tgan dasturlaridan butkul farq qiladi. Dekoratsiyadan tortib dasturning ssenariysigacha boshqa konsertlarni takrorlamaydi.
Bir so‘z bilan aytganda haqiqiy Mega shou taqdim etiladi. Ayni damda Munisa Rizayeva raqqoslar o‘rtasida kasting e’lon qilgan. 4-avgust kuni Yoshlar markazida o‘tkaziladigan mazkur kastingda professional va xoreografiyaga mutanosib, iste’dodli hamda tajribali raqqoslar ishtirok etishlari, o‘z mahoratlarini namoyon etib, svimli xonandalarining konsert dasturida qatnashish uchun imkoniyatni qo‘lga kiritishlari mumkin. Bundan tashqari xonandaning yangi tarona va videokliplari premerasining ketma ketligiga tez kunda start beriladi. Demak, bizni kuzatishda davom eting va yangiliklardan birinchilar qatorida bahramand bo‘ling.
Munisa Rizayevadan ijodiy yangiliklar 
