Manzura Ahmadboyga 10 000 AQSh dollari bergani haqidagi gaplarga javob qaytardi
Ijtimoiy tarmoqlar, xususan, Telegram orqali Ahmadboyga pul bergan taniqli san’atkorlar ro‘yxatida “Nihol” mukofoti sovrindori Manzura Yo‘ldosheva ham bor bor edi. Ro‘yxatda keltirilishicha, Manzura Ahmad Tursunboyevga 10 000 AQSh dollari miqdorida pul bergan. Xonanda bu gaplarga nuqta qo‘ygan holda, Instagram’i orqali muxlislariga yuzlandi.
“Bitta adashgan odam (Ahmadboy)ni deb qancha odam o‘z nafsining orqasidan har balo bo‘lib sinovdan o‘tmadi... Buning hammasi Ramazon oyida oshkora bo‘lyapti. Aslida har bir qadamimiz sinov. Bu ishlar bo‘lib o‘tgandan keyin tuhmat qilish yaxshimi? Yana Ramazon oyida... Odamlar o‘zini nazorat qilsa bo‘lardi. Birovning aybini oshkor qilish gunoh. Tuhmat ham qilishdi. Kimki tuhmat qilsa, to shu tuhmat qilingan ishni o‘zi qilmagunicha o‘sha odamning joni olinmas ekan”, ekan deb yozadi Munzura Yo‘ldosheva.
Ma’lumot uchun, ijtimoiy tarmoqlar orqali tarqalgan ro‘yxatda O‘zbekiston xalq artistlari Ozodbek Nazarbekov (400 000 AQSh dollari), Sherali Jo‘raev (300 000 AQSh dollari), Murod Rajabov (100 000 AQSh dollari), O‘zbekistonda xizmat ko‘rsatgan artistlar Rashid Xoliqov (250 000 AQSh dollari), Ravshan Komilov (30ta Gentra va 300 000 AQSh dollari), Mirzabek Xolmedov (30 000 AQSh dollari), Sardor Rahimxon (Captiva va 15 000 AQSh dollari), Hosila Rahimova (150 000 AQSh dollari), Ra’no Yarasheva (50 000 AQSh dollari), xonandalar Anvar Sanaev (250 000 AQSh dollari), Jahongir Poziljonov (50 000 AQSh dollari), Adham Soliev (250 000 AQSh dollari), Dilfuza Ismoilova (100 000 AQSh dollari), Manzura Yo‘ldosheva (10 000 AQSh dollari), Munisa Rizayeva (35 000 AQSh dollari), qiziqchilar Shukurillo Isroilov (200 000 AQSh dollari), Halima Ibragimova (150 000 AQSh dollari), Botirxon Imomxo‘jaev (25 000 AQSh dollari), Avaz Oxun (25 000 AQSh dollari) nomlari keltirilgan.
Manzura Ahmadboyga 10 000 AQSh dollari bergani haqidagi gaplarga javob qaytardi 
