Maftunkor Shahzodaning yakkaxon konsert dasturi haqida batafsil
Ma’lumki, 5 may kuni estradamiz yulduzi maftunkor Shahzodaning yakkaxon konsert dasturiga start berildi. Saytimiz orqali konsertning ilk kunidan fotoreportajni ham taqdim qilgan edik. Endi esa va’da qilganimizdek, dastur haqida batafsil to‘xtalib o‘tamiz.
Dastur 3 qismni o‘z ichiga olgan bo‘lib, har bir blokda xonanda takorolanmas va yorqin obrazlarda namoyon bo‘ldi. Konsert “Dejavu” taronasi bilan boshlandi. So‘ng “Love you” nomli qo‘shiq jarang sochdi. “Qarama ko‘zlarimga” va “O‘tib ketadi” qo‘shiqlari bilan konsert davomlandi. Bu kompozitsiyalarni yangrashini tinglovchilar kutmagan edi. Barchaga shirin xotiralarni yodiga solgan bu musiqiy chiqish tomoshabinlarni jonlantirib yubordi. Ana undan keyin barcha birdek sevgan va xit bo‘lgan “Shunchaki” kompozitsiyasini xonanda muxlislari bilan birga kuyladi. “Xayr endi kech” qo‘shig‘i yangraganida esa raqqosalarning xonanda bilan birga tayyorlagan raqsi barchani olo qoldirdi. Bu orada “Roziman” nomli yangi taronalardan biri jarang sochdi. “Xasta taronasi bilan esa birinchi qismga yakun yasaldi.
Ikkinchi blok esa ayni damda katta-yu kichikning sevimli qo‘shig‘iga aylangan “Yomg‘ir” qo‘shig‘i bilan boshlandi. Muxlislar taronaning ilk ohanglaridayoq olqishlab, hayqirib kutib olishdi. So‘ng “My angel” nomli qo‘shiq jarang sochdi. “Kuyov va kelincha” esa barchaga romantik kayfiyat ulashdi. Raqqosalar tayyorlagan sag‘na ko‘rinishi ham qo‘shiqqa monand edi. Dasturning eng kulminatsion nuqtalaridan biri bu Farrux Zokirovning tashrifi bo‘ldi desak yanglishmaymiz. O‘zbekiston xalq artisti Farrux Zokirov Shahzoda bilan birga “Chinara” qo‘shig‘ini kuylar ekan, u bunday baxtdan mamnun ekanini bot-bot takrorladi.
Shahzoda esa quvonchini yashira olmadi. Farrux Zokirov uni raqsga taklif etdi. Bu qo‘shiq yangraganida tomoshabinlar chiroqlar bilan ularni qo‘llab turishdi. Bu esa Farrux Zokirovvga yanada ilhom bag‘ishladi. Hattoki, mana shunday chiroqlarni yoqib turishlarini va u bu lahzalarni rasmga muhrlab olishini aytib o‘tdi. Qo‘shiq tugagach Shahzoda Farrux Zokirovning “Chayxana” qo‘shig‘ini kuylashga ruxsat so‘radi va ularning roziligi bilan bu qo‘shiq konsert dasturida jarang sochdi. “Ming shukur” qo‘shig‘ini esa “Xotira va qadrlash” kuniga bag‘ishlab kuyladi va bu kompozitsiya uning eng yaxshi ko‘rgan qo‘shig‘i ekanini ham ta’kidlab o‘tdi. “Lyuli-lyuli” bilan 2 fism ham yakunlandi.
Shoshma” qo‘shi0i bilan boshlangan uchinchi qismda hamma Shohruhxonni kutgandek bo‘ldi. Biroq xonanda uni bir o‘zi ijro qildi. “Lyublyu tebya” bilan konsert davomlandi. “Ket”, “Habibi” ketma-ket ijro etildi. “Rumba” taronasi ham barchani raqsga chorladi. U xonanda baland zinalar orqali yuqoriga ko‘tarilib uni ijro qildi. “Billionera” ham tashrif buyurganlarga a’lo kayfiyat bag‘ishladi. “Rahmat hayot” bilan esa konsertga yakun yasaldi.
Dastur qisqa va lo‘nda. Asosiysi yorqin, fayzli va mehr-muhabbatga boy bo‘ldi. Dasturning mana shunday dilga yaqin va maroqli o‘tishiga xonanda har jihatga e’tibor qaratganini kuzatish mumkin. Uning liboslaridan tortib, soch turmagigacha o‘zgacha did va latofatni ko‘rasiz. Sahna dekoratsiyasi ham o‘zgacha. Raqqosalar tayyorlagan har bir chiqishi alohida sahna asari.
Hali oldinda yana olti kunlik dastur bor. Konsertning har bir kuni fayzli va maroqli o‘tishini tilab qolamiz.
Maftunkor Shahzodaning yakkaxon konsert dasturi haqida batafsil 
