San’atimizning betakror xonandasi Shahzoda yangi mavsum boshidanoq ajoyib qo‘shiq premerasi bilan muxlislarini xushnud etdi. Tarona "Men o‘sha" deb nomlanadi. Yurtimizning yetakchi radioto‘lqinlari uzra jarang sochgan musiqiy asar kutilganidanda a’lo darajada qarshi olindi.

Qo‘shiq qisqa fursatlarda kuzning eng talabgor kompozisiyalaridan biriga aylanishi shubhasiz. Xonanda muxlislarini qanday qo‘shiq bilan quvontirishni va ularning qalbiga yo‘l topishni juda yaxshi biladi. "Men o‘sha" taronasi esa so‘zimizning yana bir yaqqol misoli bo‘la oladi. Musiqiy asarning mualliflariga to‘xtaladigan bo‘lsak, qo‘shiq Shahzodaning doimiy hamkorlari Sarvar va Komil tomonidan yozilgan.