Latofatli Lola ma’lumki, san’atimizda ham xonanda ham aktrisalik mahorati bilan o‘z o‘rniga ega. Har ikki sohada ham o‘z mulislarini topgan. So‘nggi paytlarda u rejissyorlik ishi bilan ham ko‘pchilikni lol qoldirib kelmoqda. Shu kunga qadar bir nechta kliplarni suratga olib, ommaga taqdim etishga ham ulgurdi. "Qo‘lingda imkon", "Bir jamoa" va o‘zining repertuaridagi "Qaytmayman" taronasiga suratga olgan videoklipi shular jumlasidandir.
Uning rejissyorlik ishi xalqimizga ma’qul kelmoqda. Lola endilikda bu sohada ham o‘z faoliyatini olib borishini rasman ma’lum qildi. Avvallari faqat o‘zi va ijtimoiy loyihalar uchun rejissyorlik qilgan bo‘lsa, endilikda barcha xohlovchilar bu imkoniyatdan foydalanishlari mumkin. Hattoki "GRANAT VISION" nomli video prodakshin ochishga ham ulgurdi. Bunda Lola faqatgina klip emas, balki, video bilan bog‘lik bo‘lgan barcha suratga olish ishlari bilan shug‘ullanadi. Qolaversa ssenariy va g‘oyalar ham taqdim qiladi.
Barcha jarayonlarda Lolaning o‘zi ishtirok etadi. Shunday ekan, klip va reklamangizda Lolaning rejissyorlik qilishini istasangiz hech ikkilanmay murojaat qilishingiz mumkin.
Lola ijodiy faoliyatlari turini kengaytirdi 
