Latofatli Loladan kutilmagan tarona “Yaralangan qanot”
Estradamizning yorqin yulduzi, latofatli Lola ijod ummonida. Allaqachon xalqimizning sevimli taronasiga aylanib ulgurgan “Sevgimsan” qo‘shig‘iga yaqindagina videoklip suratga oldirgan edi. Tez kunda namoyishi qilinishi kutilayotgan videoklipdan oldin xonanda yana bir ajoyib kompozisiyani muxlislari uchun tuhfa qilishga ahd qildi.
“Yaralangan qanot” deb nomlangan ushbu musiqiy asar “Benom” guruhi vakillari Sarvar va Komil bilan hamkorlikda yaratilgan. Bu qo‘shiqning yaralishiga xonandaning ashaddiy muxlislaridan biri sababchi bo‘lgan. Ijtimoiy tarmoqlar orqali o‘z kechinmalari bilan bo‘lishgan qiz o‘zini “Yaralangan qush” deya atagan. Bu kichik voqea Lolaning ijodida navbatdagi xit tarona yaralishiga sabab bo‘ldi. “Yaralangan qanot” qo‘shig‘i juda ham yurakka yaqin, u hech kimni befarq qoldirmaydi. Bu musiqiy asarni tinglagan tinglovchi qalbini notanish hislar qamrab oladi. Ayni damda siz mazkur betakror taronani tinglashingiz va baho berishingiz mumkin. Latofatli Lolaning ijodiga omad tilaymiz va yangi ijod mahsullarini kutib qolamiz.
Latofatli Loladan kutilmagan tarona “Yaralangan qanot” 
