Jizzax viloyati Gʻallaorol tumanida tungi xizmatga jalb etilgan mahalla noziri begona ayol bilan qoʻlga tushdi. Viloyat ichki ishlar boshqarmasi axborot xizmati holat yuzasidan maʼlumot berdi. 

Ijtimoiy tarmoqlarda mahalla noziri xizmat vaqtida begona erkakning rafiqasi bilan qoʻlga tushgan. Mazkur mahallada yashovchilar holatni videoga olib, ularni “samosud” qilishga uringan. Shu vaqt xodim mashinada ketib qolgan. 

Viloyat IIB axborot xizmatining xabariga koʻra, ushbu tasvirlarda 2023-yilning 15-fevralida tungi xizmatga jalb etilgan Jizzax viloyati Gʻallaorol tumani IIB 2-sonli IIB huquqbuzarliklar profilaktikasi guruhi profilaktika katta inspektori J.X. aks etgan. 

Qayd etilishicha, ushbu holat yuzasidan xizmat tekshiruvi tayinlangan. Barcha ishtirokchilarning harakatlariga huquqiy baho beriladi.