FIFA milliy terma jamoalarning dekabr oyi reytingini e’lon qildi. Unga ko‘ra O‘zbekiston milliy terma jamoasi o‘tgan oyga nisbatan uch pog‘ona yuqorilab, 65-o‘rinda chiqib oldi. Ayni paytda O‘zbekiston termasi hisobida 546 ochko mavjud. Osiyoda esa terma jamoamiz hanuz oltinchi o‘rinda bormoqda.

Dunyo reytingida 34-o‘rinda borayotgan Eron Osiyo qit’asida hamon peshqadamligicha qolmoqda. Yaponiya 48-, Janubiy Koreya 53-, ikki pog‘ona yuqorilagan Avstraliya 56-o‘rinni, BAA 63-, Iordaniya esa 72-o‘rinni egallagan.

Umumiy ro‘yxatni haligacha "Qizil furiya” (Ispaniya termasi) boshqarib bormoqda. Undan so‘ng Germaniya va Argentina terma jamoalari joy olgan.

Reytingning to‘liq ko‘rinishi bilan FIFA rasmiy saytida tanishib olishingiz mumkin.