Estradamizning eng yorqin vakillaridan "Sumalak" klip premerasi
Bahor mavsumi ijod ahliga o‘zgacha kayfiyat ulashishi aniq. Mavsumning eng go‘zal bayrami hisoblanmish Navo‘z ayyomi arafasida san’atkorlar muxlislar uchun bayramona tuhfalar yaratish istagidalar.
Bir necha kundan beri instagram ijtimoiy tarmog‘ida “Sarbon” guruhi hamda shou-biznes vakillari birgalikda sumalak tayyorlayotgan fotosuratlari namoyish etilib, ko‘pchilikda qiziqish uyg‘otayotgandi. Bugun aynan shu qiziqishlarga oydinlik kiritish fursati yetdi. Bugun premera etilayotgan yangi videomahsulot “Sarbon” guruhi, ya’ni Farhod Saidov boshchiligida “Sumalak” nomli tarona uchun yaratilgan bo‘lib, uni bu safar estradamizning eng yorqin vakillari bilan birgalikda ijro etishdi. Jumladan, Gulsanam Mamazoitova, Ziyoda, Yulduz Turdiyev, Umidaxon, Munisa Rizayeva, Abdurashid Yo‘ldoshev, Doston Ubaydullaev, Aziz Rametov, Ulug‘bek Otajonov, Adiz Rajabov, Shahzoda Muhammedova hamda Zuhra Soliyevlar bor mahoratlarini ko‘rsatib, taronani yanada jozibador bo‘lishiga o‘z hissalarini qo‘shdilar. Eng qizig‘i iste’dodli aktyor bo‘lishiga qaramay xonandalikda ham o‘zini sinab ko‘rmoqchi bo‘lgan Adiz Rajabovni ovozga tasanno aytmasdan iloj yo‘q.
Qo‘shiq haqida qisqacha mah’lumot berib o‘tsak, “Sumalak” taronasining matni Eshqobil Shukur qalamiga mansub bo‘lib, musiqasini Farhod Saidov bastalagan. Marhamat, komedik janrda tasvirga olingan mazkur klipni bugun saytimiz orqali tomosha qilib, bahramand bo‘ling.
Vorislar - Soundtreck (serial korea)
Estradamizning eng yorqin vakillaridan "Sumalak" klip premerasi 
