Xonanda Bu yilgi konsert dasturida an’anaviy shou va disko uslubidagi raqslar qatoriga ma’noli qo‘shiqlar, jonli ijro ham qo‘shilsa yomon bo‘lmasdi.
O‘zbekistonda xizmat ko‘rsatgan artist Rayhon G‘aniyevning shu kunlarda “Qalampir.uz” saytida nomi eng ko‘p jarang sochayotgan san’atkorlardan. Xonanda 23-27 fevral kunlari “Istiqlol” san’at saroyida navbatdagi yakkaxon konsert dasturini taqdim etayotgani haqida xabar bergan edik.
Kecha, 21 yanvar kuni xonanda Instagram’dagi shaxsiy sahifasi orqali konsertga kirish huquqini beruvchi qalbaki chiptalar sotilayotganini aytib, bunday chiptalarni sotayotgan uddaburonlarning nayranglariga aldanib qolmaslikdan ogohlantirdi.
Rayhon G‘aniyevning o‘tgan yil fevral oyida taqdim etgan konsert dasturi ancha vaqtgacha odamlar tilidan tushmagan edi. Ko‘ramiz, xonanda bu yil tomoshabinlarni nima bilan hayron qoldirarkin? Navbatdagi konsert dasturida an’anaviy shou va disko uslubidagi raqslar qatoriga ma’noli qo‘shiqlar, jonli ijro ham qo‘shilsa yomon bo‘lmasdi. Darvoqe, “Istiqlol” san’at saroyidan olingan ma’lumotlarga qaraganda, xonandaning bu yilgi konsert dasturiga chiptalar narxi 20.000-180.000 etib belgilangan.
Diqqat: Rayhonning konsertiga qalbaki chiptalar sotilyapti 
