Savol:

— Qaynsinglim homilador, UTT apparatida hali yurak urishi aniqlanmadi, dedi. Yoshi 34 da. Ikki qiz, bir o'g'li bor. Tug'ish niyati yo'q. Sog'ligi yaxshi emas. Abort qildirsa, gunohkor bo'lmaydimi? «Qiz uzatadigan vaqtimda chaqaloqli bo'lamanmi?» deb tushkunlikka tushib qoldi…

Javob:

— Bu tushkunlikka tushadigan narsa emas, Allohning ne'mati! Ayol kishi tug'ishga yaroqli bo'lgandan keyin Alloh beraveradi, qiz uzatishiga, qudali bo'lishi va boshqalarga qaramaydi. Yaroqsiz bo'lib qoladigan vaqtini ham O'zi tayin qilib qo'ygan. Alloh beribdimi, farzandli bo'lish ayb va xijolatli ish emas. Ammo sog'liklari yaxshi bo'lmasa, 120 kunlik bo'lgunicha, ya'ni jon kirgunicha er-xotin maslahat qilib, tushirib yuborishlari mumkin. Jon kirganidan keyin besabab oldirish esa jinoyatdir. Agar homila onaning sog'ligiga o'ta xavfli bo'lsa, oldirishga ruxsat bor. Vallohu a'lam!

«Bintu Sodiq»