Bollivud yulduzi Shohruhxon AQSh aeroportida qo‘lga olindi
Mashhur hind aktyori Shohruhxon 12 avgust kuni tunda AQShning Los-Anjeles shtati aeroportida qo‘lga olingan, deb xabar beradi “TASS”.
Shohruhxon pokemon tutgani uchun migratsiya xizmati tomonidan so‘roq qilingan. Mazkur hodisa haqida aktyor o‘zining Twitter`dagi rasmiy sahifasida ma’lum qilgan.
“Men butun dunyoda qabul qilingan xavfsizlik choralarini tushunaman va hurmat qilaman, biroq har safar AQSh migratsiya xizmati tomonidan qo‘lga olinaverish, haqiqatdan ham charchatadi”,—deb yozadi aktyor o‘zining mikroblogida.
Shohruhxonning aytishicha, u bo‘sh vaqtini pokemon tutish bilan o‘tkazishga qaror qilgan. Ammo hind kinosidan umuman bexabar aeroport xodimlariga uning xatti-harakatlari shubhalidek tuyuldi. Aeroport xodimlari soqchilarga murojaat qilganidan so‘ng Shohruhxon qo‘lga olingan va so‘roq qilingan.
Bu Bollivud yulduzining AQSh aeroportida birinchi marta qo‘lga olinishi emas. 2012 yilda u talabalar bilan uchrashish uchun bir necha hamkasblari bilan AQShga uchib kelganida ham huquq-tartibot organlari tomonidan so‘roq qilingan edi.
O‘shanda aktyor ikki soatcha vaqtini hibsda o‘tkazgan edi.
Ayol Qalbi - You can't say
Bollivud yulduzi Shohruhxon AQSh aeroportida qo‘lga olindi 
