Yodingizda bo'lsa 2010 yilda "Bayon" guruhi o'zlarini rus tilida kuylangan "Bez tebya" nomli qo'shig'ini muxlislar hukmiga havola etgan edi. Mazkur qo'shiq o'zbek muxlislariga nisbatan rossiyalik muxlislarga ko'proq ma'qul kelgandi. Rossiyaning 100dan ortiq radiostansiyalarida 2 oydan ortiq ushbu tarona jarang sochgan edi. Rus musiqiy to'plamlaridan ham o'rin olgan mazkur qo'shiq "Piter FM" radiosining hit-paradida ham mehmon bo'lishga ulgurgan edi. Ana endi Sardor Rahimxonning omadli shogirdlariga rossiyalik taniqli prodyuserlardan shartnoma tuzish takliflari tushmoqda. Shular qatorida Dmitriy Malikovning ijodiy guruhi ham jiddiy qiziqish bildirishayotganligi e'tiborga molik. Biroq, Sardor Rahimxon bu borada o'z fikrini bildirar ekan, guruh yigitlari birinchi navbatda O'zbekiston uchun ijod qilishini ta'kidlab o'tdi.
Bayon guruhi Dmitriy Malikov bilan 
