Ijtimoiy tarmoqlar bugun eng asosiy axborot maydoniga aylanib ulgurdi. Nafaqat san’at olami balki ijtimoiy sohada faoliyat yuritadigan kishilar uchun eng qulay aloqa vositasi. Undagi ba’zi xabarlar, suratlar e’tiborni tortmay qolmaydi. Ushbu sahifamizda doimgidek eng qiziq suratlarni e’tiboringizga havola etamiz.
“Asal kimning jig‘iga tegmoqchi”
Aktrisa Asal Shodiyeva poytaxtimizdagi restoranlardan birida tushgan suratini instagramdagi shaxsiy sahifasiga joyladi. Stol ustida esa ikki qadahda sharbat, sham va gullar bor. Bu suratni ko‘rgan Shodiyevaning muxlislari “Suratni xonanda Shohruxxon tushirganmi?”, degan savollarni yo‘llashdi. Asal bu romantik kechada kim bilan edi degan savollar bisyor. Ammo aktrisa bu savollarga javob bermadi. Bizda esa aniq javob bor. “Ayg‘oqchi”larimizning gaplariga qaraganda aktrisa shu kuni restoranga yaqin dugonasi bilan tashrif buyurgan va uni bu suratga dugonasi tushirgan. Balki Asal bu surat bilan kimningdir jig‘iga tegmoqchidir...
“Asal va Shahoda o‘rtasidagi sovuq munosabat...”
Aktrisa Shahzoda Muhammedova Samarqanddagi ko‘hna obidalarning birida suratga tushdi. Surat qolib Shahzodaning qoldirgan izohlari e’tiborimizni tortdi. Izohda aktrisa Nazokat ismli sobiq dugonasini do‘stlikka vafo qilmaganlikda ayblamoqda. Shahzodaning sobiq dugonasiga atab yozgan mulohazalari ancha vaqt muhokamalarga sabab bo‘ldi. Darvoqe, aktrisaning sobiq dugonasi bugun aktrisa Asal Shodiyevning qadrdon do‘stlaridan. Nahot Asal va Shahzoda o‘rtasidagi sovuq munosabatlarning sababi shu bo‘lsa?
“Chaqaloq ko‘targan Ozodbek va Manzura”
“Nihol” mukofoti sovrindori xonanda Manzura jajji kichkintoylar bilan suratga tushib uni internetga joylashi odat tusiga kirgan. Bu gal kichkintoyni nafaqat Manzura balki O‘zbekiston xalq artisti Ozodbek Nazarbekov ham ko‘tarib turibdi. Qiziq!
“Bolaligim seni sog‘indim...”
Xonanda Jahongir Poziljonov hech narsadan tortinmaydigan san’atkorlardan. Bolalar mashinasiga o‘tirib olgan xonanda bolalik davrlarini qo‘msagan bo‘lsa ajabmas.
“Lola: Sevaman, judayam sevaman!”
Lola Yo‘ldosheva yana muhokama maydonining asosiy mavzusi. O‘tgan hafta u yaqin ijodiy hamkori va do‘sti Narimon bilan tushgani suratini internet joyladi. Unga qoldirgan izoh esa Lolaning muxlislari qatori bizni ham hayratda qoldirdi.
“O‘smalar qo‘ysam yarashar qoshimga”
Halima Ibragimova internetning eng faol foydalanuvchilaridan. Aktrisa uyda palov damlayotganidan tortib, farzandlarini bog‘chaga jo‘natayotganigacha suratga olib internetga joylaydi. O‘tgan hafta u qoshiga o‘sma qo‘yayotganini suratga olib, instagramga joyladi.
“Uxlagani ham vaqti yo‘q...mi?”
Xonanda Munisa Rizayeva ishlayverib ancha toliqqan chog‘i mashinasida uxlab qolibdi. Eng qizig‘i bu holatni suratga oldirishga ham ulgurgan.
“Surat xira, lekin...”
Sa’dullaevlar sulolasining davomchisi Muqaddas Sa’dullayevaning yaqindagina instagram ijtimoiy tarmog‘i qo‘ygan surati va unga qoldirgan izohi ancha muhokamalarga sabab bo‘ldi. Surat xira bo‘lishiga qaramasdan unda Muqaddas turmush o‘rtog‘i bilanligini anglash qiyin emas. Qiziq, Sa’dullayeva turmush o‘rtog‘i bilan tushgan suratiga bunday izoh qoldirishining sababi nima ekan?!
Ziyoda-Super Qaynona [soundtreck]
Asal va Shahzoda mojarosining sababchisi kim? 
nma qzigi bor
