Dunyoning eng og‘ir vaznli odami — Xuan Pedro Franko 175 kgga” ozishga” muvaffaq bo‘ldi. Bu haqda “Depo” nashri xabar bermoqda.

33 yoshli Xuan Pedroning oldingi vazni naq 600 kg edi!
Shifokorlar Frankoni zudlik bilan jarrohlik kursisiga yotqizishdi. O‘ta semirib ketgan “polvon”ni jarrohlik yo‘li bilan “oriqlatish operatsiyasi” juda qiyin bo‘ldi, deydi shifokorlar.

Shifokorlar Xuanni tana a’zolari va teri ostini o‘rab olgan yog‘ to‘qimasinini jarrohlik yo‘li bilan olib tashlashdi.

Uning salomatligi hozircha qoniqarli darajada, biroq hamon shifokorlar nazorati ostida qolmoqda...

Xuanning aytishicha, uning vazni oshishiga ancha yillar oldin YTH oqibatida “tushakka mixlanib” qolgani sabab bo‘lgan.

Xabarda aytilishicha, uning yagona orzusi — tezda tanasining vaznini yanada kamaytirib, avtomobil boshqarish! Xuan uzoq vaqt davomida avtomashinada sayohat qilish istagini o‘zgacha havas bilan tilga oladi.

Siyovush To‘raxo‘jaev