4 kundan so‘ng Shohruhxon yashirayotgan sir oshkor bo‘ladi
Deyarli barcha qizlarning, qolaversa, minglab muxlislarning qalbidan joy olgan Shohruhxon 10 yildan ortiq davr mobaynida san’at olamida o‘zining mustahkam o‘rniga ega bo‘lishga erisha oldi.
O‘tgan yilgi an’anasiga muvofiq bu yil ham fevral oyida, ya’ni 15-16-17 sanalarda muhtasham "Istiqlol" san’at saroyida navbatdagi yakkaxon konsert dasturini taqdim etadi. O‘tgan yili 2 kun namoyish etilgan konsert anshlag tarzda o‘tib, katta shov-shuvlarga sabab bo‘lgandi va ko‘plab muxlislar konsertni yana bir kunga cho‘zishni so‘rashgandi. Ana shu takliflarni inobatga olgan xonanda va uning ijodiy hamkorlari bu yil 3 kun taqdim etishga qaror qilishdi.
Bu yilgi konsert avvalgisidan-da ko‘proq va yorqin kutilmagan tuhfalarga boy bo‘lishi shubhasiz. Negadir Shohruhxon bu yilgi konsert dasturining barcha tafsilotlarini sir saqlamoqda.
Ma’muri va xonandaning aytishicha, ming marta kutilayotgan yangiliklar va tayyorgarlik haqida gapirgandan ko‘ra, bir bora konsertni shaxsan guvohi bo‘lib, dam olish afzalroq. Qiziq, Shohruhxon qanday sirlarni yashirmoqda?! Aynan bu savol bizni ham qiziqtirmoqda.
Shunisi ma’lumki, konsertda ko‘plab yangi taronalar yangrashi kutilmoqda. Konsert oldi Shohruhxon "O‘zbegiim Taronasi" radiosi orqali muxlislarga bir necha qo‘shiqlarni taqdim etgandi. Ayni paytda Jasur Badalboyev bilan hamkorlik qilayotgan Shohruhxon barcha ijod namunalari omadli tarzda qabul qilinib, ko‘plab talablarga ham sabab bo‘lmoqda.
Barchasi ayon bo‘lishiga atiga 4 kun qoldi. 15-fevral kuni start oladigan konsert dasturida shaxsan guvohi bo‘lish fursati yetadi. Konsertga tashrif buyura olmaganlar uchun esa saytimiz orqali maxsus reportaj taqdim etiladi.
Bu vaziyatga nisbatan Shohruhxon "Oldindan nog‘ora chalmaslik"ni afzal ko‘rdi" deb bemalol aytishimiz mumkin. Ko‘plab muxlislar intiqlik bilan kutayotgan konsertni a’lo darajada o‘tkazilishiga omad tilab qolamiz!
SHOXRUHXONGA omad tilab qolaman. Xudo xoxlasa 16 tinchi kuni kantsertni ko'rishga erishaman. OSHA kunni sabrsizli bilan kutvomman . Sila yam tushila kutamiz. Raxmat sizga admin koooooottakon yana yengililani kutaman...
Sevishganlar - soundtreck (OST serial kareya)
4 kundan so‘ng Shohruhxon yashirayotgan sir oshkor bo‘ladi 
