1 fevraldan O‘zbekistonda yangi telekanal ish boshlashi kutilmoqda
Avvalroq, O‘zbekiston Elektron ommaviy axborot vositalari milliy assotsiatsiyasi raisi Firdavs Abduxoliqovning aytganlariga tayangan holda tez orada O‘zbekistonda 3 ta yangi telekanal ish boshlashi haqida xabar bergan edik.
“Futbol TV”, “Karavan TV” hamda “Zo’r TV” deb nom olgan telekanallar allaqachon litsenziya olib bo‘lgan. Ma’lumotlarga qaraganda, “Futbol TV” “UzReport” telekanali qoshida, “Karavan TV” esa “MY5” telekanali qoshida tashkil etilmoqda.
Uch telekanal orasida birinchi bo‘lib o‘z ishini “Zo’r TV” boshlashi kutilmoqda. Anchadan buyon teledasturlarni suratga olib kelayotgan telekanal efirlarini 1 fevraldan boshlash rejalashtirilmoqda.
Tasdiqlanmagan ma’lumotlarga qaraganda, telekanal “Vodiy sadosi” radiosi hamda “Artel”, “Imzo” shirkatlari rahbariyati muassisligida tashkil etilgan.
Uzunquloq gaplarga qaraganda, O‘zbekistonda bir vaqtlar faoliyati tugatilgan xususiy telekanallar va jurnallar xodimlari, teleboshlovchilar va jurnalistlar “Zo’r TV”ga ishga qabul qilingan. Asosan ko‘ngilochar ko‘rsatuvlarni efirga uzatishni rejallashtirgan telekanalning bosh rejissyorlik vazifasi esa xonanda Jahongir Poziljonovga ishonib topshirilgan.
TisMarHan-soundtreck
1 fevraldan O‘zbekistonda yangi telekanal ish boshlashi kutilmoqda 
