28 декабрь – ўқувчилар учун қишки таътилнинг биринчи кунида Ўзбекистон пойтахтида Янги йил тадбирлари бошланади. Тошкент шаҳар ҳокимлиги ахборот хизмати хабарига кўра, байрам тадбирлари 8 январга қадар давом этади.

«Газета.uz» хабар беришича, мамлакатнинг бош арчаси ўрнатилган Мустақиллик майдонидаги байрам тадбирлари 28 декабрь, соат 11:00да бошланади.

Шаҳар маъмуриятининг кўрсатмасига кўра, байрам арчалари Хадра майдони (цирк олдига), Алгоритм даҳаси (Roison Electronics корхонаси олдида), Аҳмад Дониш кўчасига (Юнусобод тумани 12-мавзеда) ўрнатилган.

«Белгиланган тадбирларга мувофиқ, ушбу майдонларда шошилинч тиббий ёрдам, санитария-эпидемиология хизматлари ходимлари ҳам жалб этилади», – дейилади ҳокимлик хабарида.