Avvalgi yangiliklarimizda UZTE kompaniyasi telefonlari poytaxtimizning "Fleshka” va "Abu Saxiy” elektronika bozorlarida sotuvga qo‘yilishi haqida aytib o‘tgan edik. "Daryo” muxbiri ushbu savdo nuqtalarida bo‘lib, UZTE telefonlarini topolmay qaytdi.

Shundan so‘ng, kompaniya saytiga kirib, firma do‘koniga qo‘ng‘iroq qildik. Do‘kon mas’ul xodimi UZTE smartfonlarining sotuvga chiqmagani, shu sababli do‘konning hali ishga tushmagani ta’kidladi. Kompaniya xodimlari bergan ma’lumotga ko‘ra, mahsulotlar do‘konga keyingi hafta keltiriladi. Telefonlarning narxi 300 mingdan 600 ming so‘mgacha bo‘lishi kutilmoqda.