Shohruhxondan yaqin kunlarda kutilmagan tarona va videoklip “Jonim dadam”
Ayni kunlarda mahoratli klipmeykerlardan biri, yosh bo‘lishiga qaramay, ko‘pgina yutuqlarga erishayotgan Dilmurod Agzamov Shohruhxonning navbatdagi klipi ustida ish boshladi. “Jonim dadam” deb nomlangan qo‘shiq uchun tasvirga tushirilayotgan videoklip muxlislarni lol qoldirishi tayin.
Ijodiy guruhga to‘xtalib o‘tadigan bo‘lsak, qoldirilgan ma’lumotlarga ko‘ra, qo‘shiq Farruh va Jasur Badalboyevlar bilan hamkorlikda yaratilgan. Klip operatori Rustam Murodov. Dilmurod Agzamov instagram ijtimoiy tarmog‘iga joylagan fotosuratlaridan shuni aytish mumkinki, klipda bosh rollarni Ubaydulla Omon hamda Muhammadali Yuldashev ijro etgan. Hozircha videoklip qachon omma e’tiboriga taqdim etilishi ma’lum qilinmagan. Balki, konsert oldidan, balki, konsert dasturining o‘zidayoq premera qilinar. Hozircha kuzatishda davom etamiz.
Shohruhxondan yaqin kunlarda kutilmagan tarona va videoklip “Jonim dadam” 
