Xalqimiz sevgan san’atkor Shohruhxon ma’lumki, Rossiyaning bir nechta manzillarida konsert dasturi bilan mehmon bo‘ladi. 6 iyun kuni start oladigan mazkur konsert safari uchun, xonanda va ularning ijodiy jamoasi allaqachon manzillariga yetib borishdi. Shohruhxon konsert kunlariga qadar, vaqtdan unumli foydalangan holda yangi klip tasvirga oldirish harakatida. U Dilmurod Agzamov bilan hamkorlikda suratga tushiriladigan video asarda bosh rolni Asal Shodiyev ijro qilishini ma’lum qildi. Hozircha qaysi qo‘shiq uchun klip yaratilayotgani sir tutilmoqda. Albatta shu kunlarda klip jarayonlari haqida batafsil ma’lumotlarni taqdim etamiz. Qiziq, Shohruhxon repertuaridagi qaysi kompozisiya uchun videoklip suratga oldirar ekan? Kuzatishda davom etamiz.