Setora” guruhi: “San`atni deb oilani qurbon qilganimizdan afsusdamiz”
“Darakchi” gazetasining “O`zbegim oshxonasi” loyihasida mehmon bo`lgan “Setora” guruhining xonandalari Kamila Xodjaeva va Laylo Galieva ayni paytdagi ijod va shaxsiy hayotdagi yangiliklar bilan o`rtoqlashdi.
“Farzand tarbiyasi oson ish emas. San`atni deb, shaxsiy hayotingizni qurbon qilganingiz, o`g`lingizga etarlicha vaqt ajratmaganingizdan bugun afsuslanmaysizmi?” degan savolga xonandalar quyidagicha javob berdi:
Kamila Xodjaeva: — Hammamizdan ko`proq Feruzaga qiyin bo`lgandi. Son-sanog`i yo`q konsertlardagi ishtirok uchun ikki haftalik chaqaloqni tashlab, gastrolga ketish bu – haqiqiy qurbonlik edi. Uchovimizning oramizdan menga engilroq bo`lgan. Ona suti bilan katta bo`layotgan olti oylik o`g`limni o`zim bilan olib yurganimda, Feruza bilan Layloga qanchalik qiyin bo`lganini tushunganman. Chet eldagi 4 yillik o`qishim sabab, o`g`limdan uzoqda yashashga bazo`r chidagandim. Musofirchilikda oila hamma narsadan ustun ekanini to`la anglab etdim. Anglagan yana bir haqiqatim shuki, boshqa davlatlardan farqli o`laroq yurtimizda ona va bolalik muhofazalanganligi, onalar tug`ruq puli bilan ta`minlanishi, farzandlarimiz uchun boshlang`ich ta`lim bepulligini qadriga etishimiz kerak.
Leyli Galieva: — Menga qiyin bo`lgan tarafi konsertdagi tanaffuslar orasida hali chaqaloq bo`lgan o`g`limni qornini to`ydirib olardim. Guruhimiz tarqalgach, farzandimizga vaqt ajratishga to`la imkonimiz bo`lgan. Hozir Feruzaga havasimiz kelyapti. Ikkinchi bor onalik baxtiga erishib, uning lazatini endi to`la his qilyapti. Ilk bor ona bo`lganimizda uchalamiz ham yosh bo`lganmiz-da, gashtini tushunmaganmiz.
“Setora” guruhi bilan to`liq suhbatni “Darakchi” gazetasining 5-sonida o`qishingiz mumkin.
Yoqotilgan Yillar-Soundtreck
Setora” guruhi: “San`atni deb oilani qurbon qilganimizdan afsusdamiz” 
