«TASS» xabariga ko‘ra Qirg‘iziston poytaxtida 15 kishi sovuq ob-havo qurboni bo‘ldi.

«Bishkekda yanvar oyida qahraton tufayli 15 kishi, asosan muqim yashash joyi bo‘lmagan odamlar hayotdan ko‘z yumdi. O‘tgan haftada 293 nafar shunday shaxs aniqlandi. Reydlardan so‘ng ular ijtimoiy boshpanalarga yuborilmoqda», — deyiladi shahar IIB xabarida.

Meteorologlarga ko‘ra, Qirg‘izistonda anomal sovuq ob-havo yanvar oxirigacha saqlanib qoladi. Bishkekda harorat 15 daraja sovuqni tashkil etdi, tog‘li hududlarda yaqin orada 45 darajagacha sovuq kutilmoqda.