FIFAning yangi e’lon qilgan reytingi ro‘yxatida O‘zbekiston terma jamoasi bir pog‘ona tepaga ko‘tarildi.

Unga ko‘ra, reytingda O‘zbekiston terma jamoasi BAA terma jamoasining bir yo‘la besh pog‘ona pastlab 78-o‘ringa tushib ketgani uchun, bir pog‘onaga ko‘tarilib, 441 ochko bilan 77-o‘ringa joylashdi. Shunga qaramay, Osiyo mamlakatlari tasnifida olib qaraganda, O‘zbekiston 9-o‘ringa sho‘ng‘igan.

Kuchli o‘ntalikda o‘zgarish yuz bermadi. Nemislar hamon dunyoning birinchi raqamli terma jamoasi bo‘lib turibdi. Keyingi o‘rinlar Braziliya, Portugaliya, Argentina, Belgiya, Ispaniya, Polsha, Shveysariya, Fransiya va Chiliga tegishli.