Avval xabar berganimizdek, Nilufar Usmonova yangi tarona ustida ish olib borayotgan edi. Bugun esa ushbu taronaga klip suratga olish ishlarini boshlab yuborgan Nilufar Usmonova suratga olish jarayonini muhlislari bilan birga bo'lishib bordi. Klip rejissyori Yodgor Nosirov. Shu bilan birga suratga olish jarayonida Nilufar Usmonovaning jamoasi, yaqin do'stlari Davron Muqimov, Natalia Zakhaliskaya Artyom Drobishev uni qo'llab quvvatlab turishdi. Eslatib o'tamiz, Taronaning g'oya muallifi sevimli ijodkorimiz Yulduz Usmonovaga tegishli bo'lib,tarona musiqasi Jasur Abdurahmonovga, aranjirovkasi Shuhrat Zokirovga, matni Shuhrat Nuraliyevga tegishli.