Jismoniy shaxslar uchun soliq stavkasi 7,5 foizgacha pasaytiriladi
2016 yilda soliq solishning ikkinchi pog‘onasi bo‘yicha jismoniy shaxslar daromadidan olinadigan soliq stavkasini 8,5 foizdan 7,5 foizgacha pasaytiriladi. 2015 yil 3 dekabr kuni Toshkent shahrida O‘zbekiston Respublikasi Oliy Majlisi Senatining to‘rtinchi yalpi majlisida bu haqda ma’lum qilindi.
O‘zbekiston Milliy axborot agentligining xabar qilishicha, aholi daromadlari zimmasiga tushadigan soliq yukini kamaytirish maqsadida soliq solishning ikkinchi pog‘onasi bo‘yicha jismoniy shaxslar daromadidan olinadigan soliq stavkasini 8,5 foizdan 7,5 foizgacha pasaytirish nazarda tutilmoqda, bu esa aholi daromadlarini 235 milliard so‘mga ko‘paytirish imkonini beradi.
Soliq siyosatidagi asosiy ustuvorliklar xo‘jalik yurituvchi sub’ektlar va aholiga tushadigan soliq yukini yanada kamaytirish, iqtisodiyotning barqaror o‘sishini rag‘batlantiruvchi soliq solish tizimini soddalashtirish, mahalliy byudjetlarning daromad qismini mustahkamlash orqali byudjet tizimi byudjetlarining mutanosibligini ta’minlashdan iborat bo‘lib qolmoqda.
Muhabbat tafti - Rabba Ve
Jismoniy shaxslar uchun soliq stavkasi 7,5 foizgacha pasaytiriladi 
