Jahon bozorlarini neft va metall narxlarining tushishi bilan bog'liq yangi xavf qamrab olmoqda. Investorlar bu holat Xitoy iqtisodiyotining kelgusida yanada sekinlashiga olib kelishidan xavotir olishmoqda.

Xususan, mis narxi 2009 yildagi eng past ko'rsatkichni qayd etgan. 13 noyabr kuni Shanxaydagi shartnomalarda mazkur metall narxi payshanba kundagi 4823,50 dollar o'rniga 4816 dollarga sotilgan. Mis iqtisodiy ko'rsatkichlar barqarorligi o'lchovi hisoblanib, so'nggi 5 haftadan buyon ketma-ket tushishda davom etmoqda.

Brent nefti London birjasidagi savdolarda (10.00da) bir barreli 44,12 dollarni tashkil etgan. WTI nefti esa Nyu-York tovar birjasidagi savdolarda 0,16 dollarga tushib, 41,59 dollarni tashkil etgan. Bu esa hafta boshidan beri 6 foizlik tushishni bildiradi.