Apple компанияси ҳамкорлари iPhone смартфонларининг янги моделларини ишлаб чиқариш учун унинг таркибий қисмларини май ойида етказиб беришни мўлжалламоқда. 

Март ойи бошида i More сайти Apple компаниясининг янги iPhone смартфони шу йилнинг август ойида, яъни iPhone5 модели чиқарилганидан 11 ой ўтиб  сотувга чиқишини маълум қилганди. 

Норасмий маълумотларга қараганда, янгиланган смартфон iPhone5 дизайнини сақлаб қолади, аммо унинг техник имкониятлари анча кенгаяди. Тахминларга қараганда, Apple кучли процессор ва каттаҳажмли камерага эга бўлади. iPhone3 GS ва iPhone 4S смартфонлариҳам аввалги моделлардан унчалик катта фарқ қилмаганди.

Apple янги iPhone моделини 2007 йилда ишлаб чиққан ва ўшандан бери компания 300 миллион дона турли авлодга смартфонларни сотган.