Asli kelib chiqishi rus-yahudiy millatiga mansub bo`lgan amerikalik aktyor Anton Elchin 19 iyun, yakshanba kuni avtohalokat oqibatida halok bo`ldi. Bu haqda aktyorning vakili Jennifer Allenga asoslanib, “Lenta.ru” xabar bermoqda. 

Ma`lumotlarga ko`ra, Elchinning jonsiz tanasi uning San-Fernandodagi uyi oldidan topilgan. Aktyor do`stlari bilan rejalashtirilgan uchrashuvga kelmagani va qo`ng`iroqlariga javob bermaganidan xavotirga tushgan tanishlari unikiga kelgan. Anton uy darvozasiga o`rnatilgan pochta qutisi va o`z avtomobili o`rtasiga tiqilib qolgan edi. 

Aktyor “Terminator”, “Nyu-York, men seni sevaman”, “Startrek” kabi filmlardagi rollari bilan tanilgan edi. 
U endigina 27 yoshga to`lgan edi.