Global isish Yarim million Insonning Umriga zomin bo‘lishi mumkin
Olimlar iqlimning o‘zgarishi 2050 yilga kelib dahshatli oqibatlarga olib kelishi, insoniyatni nobud qilishi va 500 ming kishi qurbon bo‘lishi mumkinligini aytishdi.
“Parnik samarasi” turli toshqinlarning, qurg‘oqchilik va boshqa tabiiy ofatlarning yuzaga kelishiga sabab bo‘ladi. Oqibatda hozirda oddiy bo‘lgan mahsulotlar tanqis bo‘lib qoladi. Masalan, mutaxassislarning hisob-kitobiga ko‘ra, Xitoyning janubida guruchning narxi bir asrda bir marotaba ko‘tarilgan bo‘lsa, 2050 yilga kelib, u har to‘rt yilda bir barobarga ko‘tariladigan bo‘ladi.
Iqlim o‘zgarishi oqibatida 2050 yilga kelib inson iste’moli uchun zarur bo‘lgan kaloriya miqdori 3,2% ga qisqaradi. Zaminimiz aholisi meva va sabzavotlarni 4%, go‘shtni esa 0,7% kam iste’mol qiladi. Oqibatda 530 ming kishi ochlik qurboniga aylanadi.
Olimlar atmosferadagi uglerod hajmini kamaytirishni, meva va sabzavotlarni arzonlashtirishni tavsiya etishmoqda. Kanzas shtati universiteti mutaxassislarining fikricha, global isish bugungi kunga kelib, insoniyatga tahdid solayotgan asosiy xavflardan biriga aylangan. Bu falokatning ko‘lami hozirdan sezilmoqda, chunki 2016 yilning yanvari kuzatuvlar tarixidagi eng issiq qishlardan biri bo‘ldi.
Global isish Yarim million Insonning Umriga zomin bo‘lishi mumkin 
