Keng jamoatchilik diqqatini Tvitter ijtimoiy tarmog‘ida Gulnora Karimova tomonidan @Realgoogoosha akkaunti orqali yozilgan ma’lumot jalb etdi.  Unda bildirilishicha, ijodkorning yangi albomi yaqinda dunyo yuzini ko‘radi. Xususan, albomdan o‘rin olgan qo‘shiqlardan biri - «Round Run» 7-aprel kuni "Ekobog‘" ochilish marosimida birinchi omma taqdim etildi. GOOGOOShAning ilk albomi katta muvaffaqiyat qozonganining asl sababi, ijrochining naqadar taniqli va sevimli shaxs ekanligi bir tomon, biroq, qo‘shiqlarning original uslubi musiqa ixlosmandlarini o‘ziga jalb etganida! Bessame mucho, Sen ketarsan, Oblaka, Mavrigi kabinoodatiy uslubda jonlantirilgan qo‘shiqlar internetda ko‘chirib olishlar borasida eng yuqori o‘rinlarni zabt etgani ko‘pchilikka sir emas. GOOGOOShA va Xulio Iglesias ijrosidagi duet esa dunyo musiqasida katta olqishlarga sazavor bo‘lganini inobatga olsak, xonish ijrochisi tom ma’noda o‘z ovozini jahon ahli qalbiga muhrlay oldi. Navbat serqirra ijodkorning yangi musiqiy asarlariga!

Qiziq, GOOGOOShA endi dunyodagi barcha muxlislarini qanday qo‘shiqlariga oshno tutib, ularni sehrlaydi?!