Counter-Strike o‘yinining yaratuvchilaridan biri Jess Kliffe AQShning Sietl shahrida qo‘lga olindi. Mahalliy telekanalning ma’lumotiga ko‘ra, hozircha unga nisbatan rasmiy ayblov e’lon qilinmagan, biroq garov evaziga ham qo‘yib yuborilmagan, deb yozmoqda TJournal.

Qayd etilishicha, 36 yoshli dasturchi voyaga yetmagan qizni zo‘rlashda gumon qilinmoqda. Hozircha jabrlanuvchining arizasi haqida tafsilotlar yo‘q, Kliffe bunga qadar jinoyat sodir etmagan. Politsiya vaziyatga izoh berishdan bosh tortgan.