Shahzodaning may oyida o‘tkazilishi an’anaga aylangan konsert dasturi bu yil bo‘lmaydi. Bu haqda u “Sevimli” telekanalning “Xayrli oqshom” dasturida ma’lum qilgan.

Ko‘pchilik muxlislarni qiziqtirayotgan masalaga oydinlik kiritish maqsadida shu kunlarda matbuot anjumani tashkil etiladi. “Bu ma’lumot haqida ilk bor sizning telekanalingizda aytayapman. Lekin muxlislarimiz uchun sovg‘alarimiz ko‘p” - deydi Shahzoda. Shuningdek, xonanda dugonalari Nilufar Usmonova va Renata Iskandarovalar bilan do‘stlik, oilaviy munosabatlar va ayollik latofati haqida so‘z yuritdi.