Dunyo bozorida talab va taklif o‘rtasidagi mutanosiblikning tiklanishi kutilayotgani asnosida 6-iyun, dushanba kuni neft qimmatlashdi. AQShda ishlayotgan neft burg‘ilovchilari soni to‘qqiztaga ko‘payib, 325 taga yetgani ham bunga xalaqit bermadi, deya xabar qiladi “Interfaks”.
Londonning ICE Futures birjasida avgustda yetkazib beriladigan Brent turidagi neft narxi Toshkent vaqti bilan soat 10:00 da 0,85 foizga oshib, bir barreli uchun 50,06 dollarga yetgan.
Nyu-York tovar birjasida (NYMEX) iyulda yetkaziladigan WTI turidagi neft bahosi bu paytga kelib 1 foizga — bir barreli uchun 49,10 dollargacha ko‘tarildi.
Qish Sanatasi - Soundtreck
Brent turidagi neft narxi 50 dollardan oshdi 
