Betakror Shahzoda yangi klipida hayotining bir qismini jonlantirdi
Estradamiz yulduzi maftunkor Shahzoda muxlislari uchun kutilmagan sovg‘a tayyorlamoqda. Xonanda bugun o‘zining ijodiy jamoasi bilan birga yangi loyihaga qo‘l urdi. “Bu safar xonanda bizni nima bilan lol qoldirar ekan” – deb o‘ylayotgandirsiz? Ushbu loyiha navbatdagi videoklip bo‘lib, odatdagilaridan butkul farq qiladi. Haqiqatdan ham navbatdagi klip, sizlarni har qachongidanda hayratga solishi aniq. Nomi hozircha sir tutilayotgan tarona uchun yaratilayotgan klip hayotiy voqealarga asoslangan bo‘lib, uni xonandaning buvisiga atalgan kichik minifilm deyish mumkin. Video asarda bosh rolni ya’ni Shahzodaning buvisi obrazini mahoratli aktrisa To‘ti Yusupova ijro etdilar. Unda sodir bo‘ladigan voqealar xonandaning hayotidan olingan bo‘lib, uning buvisi bilan bo‘lgan xotiralarni aynan shu klipda ko‘rishingiz mumkin. Videoklip Sanjar Matkarimov rejissyorligida tasvirga olindi. Operator Rustam Murodov. Shuningdek, klipda Tohir Saidov, Fatxulla Ma’sudov, Dilbar Yusupova, Hojiakbar Kamalovlar ishtirok etishgan.
Betakror Shahzoda yangi klipida hayotining bir qismini jonlantirdi 
