Yosh estrada guruhlaridan biri "Bayon" ijodni boshlaganiga hali u qadar ko'p vaqt bo'lmagan bo'lsada, ilk yakkaxon konsert dasturlarini taqdim etishga ulgurdilar. Faqat bu konsert dasturi hozircha Farg'ona shahrida bo'lib o'tdi. Farg'ona shahrining amfiteatrida bo'lib o'tgan konsert dasturi uchun chiqarilgan chiptalar konsert boshlanishidan bir soat oldin sotib bo'linganligi e'tiborga sazovor. Ashaddiy muxlislar o'z sevimli guruhlarining ijodidan bahramand bo'lish uchun hattoki tikka turgan holatda ham tomosha qilsihga rozi bo'ldilar. Konsert dasturida "Bayon" guruhidan tashqari Humoyun Mirzo ham ishtirok etdi.