Синоптикларнинг маълумотларига кўра, яқин кунларда Ўзбекистонда сўнгги ҳафтада кузатилган ўзгарувчан ҳаво ҳарорати аста-секин камаяди.

Душанба куни қор фақатгина алоҳида туманларда ёғиши кутилмоқда. Янги йил байрами кунлари Ўзбекистоннинг барча ҳудудларида қуруқ ҳаво ҳукмронлик қилиши кутилмоқда. Ҳаво ҳарорати меъёрдан 3-5 даражадан паст бўлади. Кечаси ҳарорат 3-8 даража совуқ, кундузи эса – 0-5 даража илиқ бўлиши кутилмоқда.

Тошкентда ҳаво ўзгарувчан бўлиб, вақти-вақти билан қор ёғади. Шамол ғарбдан секундига 5-10 м/т эсади. Кечаси ҳаво ҳарорат 4-6 даража совуқ, кундузи 1 даража илиқ бўлади.