Yaponiyalik bloger iOS operatsion tizimining yangi 9.3 Beta 1.1 versiyasi kodida quloqchinlar (naushniklar) uchun 3,5 mm li raz'yomlarning yo'qligi haqidagi ma'lumotni aniqladi. U buning suratini o'z tvitterida chop etdi.

Blogerning ta'kidlashicha, u operatsion tizimning yangi versiyasi kodini sinchkovlik bilan o'rganib, unda 3,5 mm lik razyomlarning yo'qligini aniqladi. Yangi iPhone 7 smartfonida raz'yomning yo'qligi va tovush Lightning raz'yomi orqali uzatilishi haqidagi gaplar internetda ancha avval paydo bo'lgandi, chunki Apple yangi qurilmalarining qalinligini kamaytirmoqchi.

Shuningdek, yangi operatsion tizimning kodida Li-Fi yorug'lik nurlanishi yordamida ma'lumotlar uzatilishi texnologiyasi sinovdan o'tkazilgani haqida ma'lumot topildi. Bu texnologiya ishlatilganda ma'lumotlarni uzatish manbasi bo'lib stol lampasidagi oddiy lampochka bo'la olishi mumkin.