Andijon viloyatining Buloqboshi tumani hududida xitoylik sarmoyadorlar bilan hamkorlikda yangi tsement zavodi quriladi. Ushbu loyihaga 140 mln dollar yo'naltirish ko'zda tutilgan. "Pravda Vostoka" nashri xabariga ko'ra, bu loyiha orqali buloqboshiliklarning 1100 nafari ish bilan ta'minlanadi.

Ma'lum qilinishicha, zavod maydoni 107 ga bo'ladi va zavod 300ta tsement tashuvchi texnika bilan ta'minlanadi. Bu zavodda kuniga 5 ming tonna tsement tayyorlash imkoniyati mavjud bo'ladi. Bu mahsulotlarni ichki va tashqi bozorga tashish uchun temir yo'llardan foydalanish nazarda tutilgan.

Biroz oldinroq, O'zbekistonda yiliga 15 turdagi 7 mln tonna tsement ishlab chiqarilayotgani xabar qilingandi.

Shuningdek, keyingi yili Turkiya kompaniyasi Surxondaryoda 225 mln dollarga yangi tsement zavodi qurishi ma'lum qilingan.