Afsonaviy bokschi Rufat Risqiev komaga tushib qoldi
Afsonaviy bokschi Rufat Risqiev shifoxonada og`ir ahvolda yotibdi. Ma`lumotlarga ko`ra, bokschi koma holatida. Bu haqda ijtimoiy tarmoqlardagi sahifasida jurnalist Dilshoda Matchonova xabar qoldirdi.
“Rufat Asadovich komada… Unga salomatlik tilaylik”, deyiladi uning xabarida.
Shu yilning sentyabr oyi oxirlarida Toshkent shahridagi 16-shifoxonada shifokorlar venalar trombozining og`irlashishi sababli Rufat Risqievning o`ng oyog`ini tizzadan pastini kesib tashlash uchun jarrohlik amaliyotini o`tkazishgandi.
2 oktyabr kuni 67 yoshni qarshilagan Rufat Risqiev 1974 yilda Gavanada jahon chempioni bo`lishga erishgan. U shuningdek, 1976 yilgi Monreal Olimpiadasida finalga qadar etib borgan yagona sovet bokschisi hisoblanadi. Rufat Risqiev – Jahon chempioni va Olimpiya o`yinlarining kumush medali sovrindori. AQSh, Kuba, Avstriya, Yugoslaviya, Ispaniyada o`tkazilgan xalqaro turnirlar g`olibi. Markaziy Osiyodagi ilk xalqaro toifadagi professional boks sudyasi. “Hurmat Belgisi”, “Buyuk xizmatlari uchun”, “El-yurt hurmati” ordenlari kavaleri. Yaqin o`tmishda – O`zbekiston Professional boks federasiyasining vise-prezidenti, ayni paytda – oddiy pensioner.
Soundtreck-Великолепный Век
Afsonaviy bokschi Rufat Risqiev komaga tushib qoldi 
